ღ♥ منتدے♥ـ مملكة البنات ϚۣՁـ•°ـللبنات فقط ! ♥
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ღ♥ منتدے♥ـ مملكة البنات ϚۣՁـ•°ـللبنات فقط ! ♥

منتدى مملكة البـــنــات للبـ,ــــنـ،ــاات فقط للتسلية والمرح والفائدة
 
الرئيسيةالبوابةأحدث الصورالتسجيلدخولالعاب المنتدى

 

 لو قلبك ما دقش بعد الكلام اللي كاتباه .راجع نفسك [[ بحبك يا ربي ]]

اذهب الى الأسفل 
كاتب الموضوعرسالة
ايروكا
Admin
ايروكا


انثى عدد المساهمات : 167
تاريخ التسجيل : 27/04/2011
الموقع : https://desnyprincess.forumpalestine.com

لو قلبك ما دقش بعد الكلام اللي كاتباه .راجع نفسك [[ بحبك يا ربي ]] Empty
مُساهمةموضوع: لو قلبك ما دقش بعد الكلام اللي كاتباه .راجع نفسك [[ بحبك يا ربي ]]   لو قلبك ما دقش بعد الكلام اللي كاتباه .راجع نفسك [[ بحبك يا ربي ]] Emptyالإثنين أغسطس 01, 2011 3:55 pm

بسم الله والصلاة والسلام على رسول الله...


النهردة
حبيت اشارك معاكم بحديث قدسى ..بس جامد جدا..رغم معرفتنا به..بس كل مرة
بنقوله قلوبنا لازم ترتجف من حب ربنا ..يارب يكون مفيد ويكون سبب فى شرح
صدورنا..


تعالى نشوف الجمال وبعدين نحاول نفهمه مع بعض...









يقول الله فى الحديث القدسى:


انى والانس والجن فى نبا عظيم،اخلق ويعبد غيرى،ارزق ويشكر سواى خيرى الى العباد نازل وشرهم الى صاعد،


اتودد
اليهم بالنعم وانا الغنى عنهم ويتبغضون الى بالمعاصى وهم افقر ما يكونون
الى،اهل ذكرى اهل مجالستى،من اراد ان يجالسنى فليذكرنى،اهل طاعتى اهل
محبتى،اهل معصيتى لا اقنطهم من رحمتى،



ان تابوا الى فانا حبيبهم، وان أبوا فانا طبيبهم،
أبتليهم بالمصائب لأطهرهم من المعايب،من اتانى منهم تائبا تلقيته من بعيد،ومن أعرض ناديته من قريب،



أقول
له: اين تذهب؟ الك رب سواى،الحسنة عندى بعشرة أمثالها و ازيد،والسيئة عندى
بمثلها واعفو،وعزتى وجلالى لو استغفرونى منها لغفرتها لهم.......


..........







ياااا يارب...يا على عظمتك وحبك لينا وعلى رافتك بينا...



شوفوا ربنا سبحانه وتعالى اللى قادر يخسف بينا الارض واحنا بنعصيه..بيتكلم بلهجة مليانة حنية ازاى....انت حاسس بالحنية دى..



شوف
ربنا بيستغرب من عمايلنا وذنوبنا...منعم علينا ومدينا كل حاجة احنا
محتاجينها ..و اللى بيشرك بيه..واللى بيفكر ان هو السبب فى النعيم اللى
عايش فيه وميذكرش فضل ربنا عليه ابدا...



انت مش حاسس بكلمة اتودد دى ..مش شايفها..احنا قلوبنا دى حجر ولا ايه يااخوانا ..


ربنا العظيم بيقول انه بيتودد لينا بيقربلنا عشان نحبه ...عايز يدينا كل حاجة اللى هى فعلا عندنا بس احنا اللى مش واخدين بالنا...





لا والاكتر من كده ان يدينا النعمة... ونعصيه بيها سبحان الله علينا ..وعلى صبره وحلمه بينا.....








اديكي
مثال ..تخيلي البنت مثلا اللى ربنا منعم عليها بالجمال ..نعمة ..ونعمة
كبيرة....مش تستر نفسها بقى وتشكر ربنا ع النعمة دى بالحفاظ عليها وصيانة
نفسها...لا ليه تطيع ربنا؟؟..



دى بتبارز ربنا بالنعمة بتاعته..تخرج وتتبرج وتكلم شباب وتغويهم..كارثة ..كارثة والله...منتهى الجحود..






ولا تخيل الشاب الللى ربنا انعم عليه وبقى عنده سيارة ..وهو شايف قد ايه الناس بتتعب عشان تروح بيوتها فى المواصلات...


شكر النعمة بتاعته..ان السيارة دى طول النهار طالع منها الاغانى..وبالليل مليانة بنات والعياذ بالله..





ولا حول ولا قوة الا بالله...



سبحانك على حلمك بينا يارب...سبحانك على صبرك ياحبيبى..




قلبى بيتقطع لما افتكر سترك عليا..والعيوب بتاعتنا اللى داريتها عن الناس...







انتي شايفه وهوبيقول على الناس اللى بتذكره ..انهم اهل مجالسته..يعنى وانتي بتذكري ربناكده تخيلي انه سامع حديثك وبيرد عليكي..



بس فين بقى ياحبيب قلبى ...فوق ...فووووق ...مش عندنا فى الملا الاعلى عنده...يااااا







...ولا
لا وكمان وهوويقول سبحانه ..ان اهل الطاعة هما احبابه اللى بيحبهم واهل
محبته..ياسلااام..وانت مش واخد بالك من كلمة اهل دى ولا ايه؟؟...



مش حاسس لسه بالشرف ده...


ياعينى ياغلبانه..





انتي لسه مبكيتيش ...لسه قلبك ماتفطرش




انتي متخيله مين اللى بيكلمك...انت متخيله مين اللى بيتحايل عليكي عشان ترجعيله...







شوف.. اسمع وهو بيقول على اللى بيعصوه مبيبعدهمش ابدا من رحمته..ده الرحيم يااخوانا ..ده الحليم..ده الله...





مش
كده وبس ده انت لو تبت حيبقى حبيبك ..اسمع يابنى ياحبيبى...خد بالك
بس...افهم كويس بلاش كروتة..حبيبهم يعنى هو اللى حبيبك ..مش بيقول انت اللى
بتحبه...




هو طبيبك اللى عارف ايه اللى بيريحك..عارف راحة قلبك فين..عارف سعادتك فين..عارف ايه اللى ينفعك....








اوعى حبايبى نبعد عنه...اوعوا نخون ربنا ..


اوعى يااختى تخونى ربنا...





اختى اللى بقالها خمس سنين فى قصة حب ..ارجعى بقى..هو ده حبيبك...




حبيبة قلبى الانسة الصغيرة.. اختي اللى لسه داخله اعدادى ..اوعى


اوعى تخونى ربنا...حبيبنا بيغير عليكى ومش عيز يشوفك كده...










ياسلام
على ربنا لنا بيقول انه لما بيديك شوية ابتلاء كده..بيبقى عايزك...
بيفكرك...بيقولك اعرف ان ليك رب تناديه.. اعرف ان ماليكش غيره..مش عايزك
تبعد عنه..مش عايزه ترجعيله بقى!! ..انتى ايه؟؟....





ده بيقولك لو رجعت بس .لوفكرت ..حياخدك من اول ماتفكري ..






اسمع تلقيته دى...


يعنى كانك تاااايه ..مش لاقى اللى ياخد بايدك...حيشدك ليه....حتترمى فى حضن طاعته..بس جرب وفوق...فكر بس وشوف ايه اللى حيحصل...






لا
وكمان لواعرضت ومشيت وسيبت طريقه...حيفضل كل شوية يبعتلك فى رسايل ويقولك
ارجع..بينادى عليك من قريب ..عايزك تفوق....بيقولك حتروح فين..فين انت ليك
مين
غيرى...








ابوس ايدك حبه...ابوس ايدك ارجع وتوب...


احنا مش ضامنين يااخواتى..




شوف
بيحببك فى طاعته ازاى!!بيقولك لو عملت حسنة ..حتبقى عشرة ..لا وبيزود
كمان..والسيئة تكتب بواحدة وبيشيلها...ياااا ..بيقولك بس استغفرنى..قول
يارب سامحنى ..وانا اشيل عنك كل حاجة...








بذمتك مش مكسوف من نفسك...بذمتك مش كفاية كده بقى...

حنفضل تايهين لحد امتى يااجماعة...حنفضل مش عارفين طريقنا لحد امتى..






انتي لسه عندك وقت فى حياتك تعيشيه لغير ربنا ...




لسه فى دقة جوة قلبك حتبقى لحد غيره..



لسه قلبك ماسابكش وطااار على اللى خلقه...




حننضف امتى من الذنوب يااخواتى ...حنفوق امتى ونعرف قيمة الله سبحانه وتعالى...






انا عيزاكي دلوقتي ..ايوة دلوقتي يا ااختى ..قبل ماتطلعي من هنا ..تعلنيها صريحة...


تبت اليك ياااارب...


تبت اليك يااارب...


تبت اليك يااارب..




رجعلك ياسيدى ..ماليش غيرك...مسيبنيش...





وشوفي رد ربنا حيبقى ايه...شوفي كرمه معاكي حيبقى ازاى...






يارب ربنا يكون من علينا بدمعة من خشيته واحنا بنقرا دلوقت تكون شفيع لينا ودليل توبتنا اليه..


معلش عيزك تستحملينى ..المشاعر اخدتنى والله..


ياريت ياجماعة نرجع لربنا ونستغفره..



وياريت لو الموضوع اثر فيكي تسيبلى رد او تدعيلى دعوة..



شكرا ليكم على وصولكم لنهاية الموضوع ومزهقتوش من كلامى..


جزاكم الله خير ..وربنا يحبكم...


اختكم ..في الله../سميه



منقـــول


لو قلبك ما دقش بعد الكلام اللي كاتباه .راجع نفسك [[ بحبك يا ربي ]] 130416067881
الرجوع الى أعلى الصفحة اذهب الى الأسفل
https://desnyprincess.forumpalestine.com
 
لو قلبك ما دقش بعد الكلام اللي كاتباه .راجع نفسك [[ بحبك يا ربي ]]
الرجوع الى أعلى الصفحة 
صفحة 1 من اصل 1
 مواضيع مماثلة
-
» الطرق الستة التي يدخل بها الشيطان الى قلبك بها فانتبه !!!
» كلمات تهدي نفسك ..كلمات حلوة كتير كتير

صلاحيات هذا المنتدى:لاتستطيع الرد على المواضيع في هذا المنتدى
ღ♥ منتدے♥ـ مملكة البنات ϚۣՁـ•°ـللبنات فقط ! ♥ :: الاقسام العامة :: ۞ طٌريََّـقَ ألـمغّفُرـۂˊ۞-
انتقل الى: